Ishq - Love

Us marz ko marz-e-ishq kaha karte hain
Na dawa hoti hai jis ki na dua hoti hai

- 'Shafaq Rizvi'
 

Unke dekhe se jo aajaati hai moonh par raunaq
Woh samajhte hai bimaar ka haal achha hai

- 'Ghalib'
 

Kya jaaniye kya hai tere bimaar ki haalat
Isa bhi yeh kehte hain ke hai waqt dua ka

- 'Amir Meenai'
 

Ishq ke izhaar mein har chand ruswaai to hai
Par karoon kya ab tabiyat aap par aayiee hai

- 'Akbar Allahabadi'
 

Be ma'ni hai woh ishq ke jis mein kashish na ho
Dilchasp ho na husn to soorat haraam hai

- 'Aatish'
 

Ishq baazon mein karamat na ho kya ma'ni
Jis ko dil chahe mulaqaat na ho kya ma'ni

- 'Nama'loom'
 

 
Rulaati mujhe kyon chaandni raat Yahi ek raat meri zindagi hai