Mita de apni hasti ko agar kuchh martabah chahiye
Ke dana khaak mein milkar gul-e-gulzaar hota hai

Gulshan parast hoon mujhe gul hi nahin 'azeez
Kanton se bhi nibah kiye jaa raha hoon main

Ahle zabaan to hain bohut koi nahin ahle dil
Kaun teri tarah 'Hafeez' dard ke geet ga sake

Laayi hayaat aaye qaza le chali chale
Apni khusi aaye na apni khushi chale

Na kisi ki aankhon ka noor hoon, Nakisi ke dil ka qaraar hoon
Jo kisi ke kaam na aasake main woh ek musht-e-ghubaar hoon

Achchhe Isa ho mareezon ka khayal achchha hai
Hum mare jaate hain tum kehte ho haal achchha hai

Bohut shor sunte the pehlu mein dil ka
Jo cheera to ek qatrah khoon na nikla

'Umr-e-daraaz maang kar laaye the chaar din
Do aarzoo mein kat gaye do intezaar mein

Zaahid sharaab peene de masjid mein baith kar
Ya woh jagah bata de jahan par Khuda na ho

Hasrat pe us musaafir bekas ke roye
Jo thak ke baith jaata hai manzil ke saamne

Ishq par zor nahin hai ye woh aatish 'Ghalib'
Jo lagaaye na lage aur bujhaaye na bane

Main jis mein aag bhar kar din raat peeta hoon
Koi chhoo bhi nahin sakta woh jaam-e-aatish mera

Bandagi ka mere andaaz juda hota hai
Mera Ka'aba mere sajdon mein chhupa hota hai

Kal raat zindagi se mulaqaat ho gayi
Lub thar thara rahe the magar baat ho gayi

Ishq ki chandni raatein mujhe yaad aati hain
'Umr-e-raftah ko meri, mujh se mila de aakar

Shama parwaane se kehti hai yeh rokar shab-e-hijr
Aaj ki raat bacheinge to saher dekhenge

Toofaan-e-Nooh laane se ai chashm faaydah
do ashk bhi bohut hain agar kuchh asar karein

Dum-e-rukhsat zabaan to khul na saki
Dil ki baatein huyin nigaahon mein

Duniya ki yahi rasm hai, Romi ho ya Shaami
Sultaan ki ghulaami, kahin mulla ki ghulaami

Meri talab bhi usi ke karam ka sadqah hai
Qadam yeh uthaate nahin hain, uthaaye jaate hain

Chand tasweer-e-butaan, chand haseenon ke khutoot
Ba'ad marne ke mere ghar se yeh saamaan nikle

Kaun kehta hai ke bosa do hamein
Moonh faqat rakh lene do rukhsaar par

Ek bose ke talabgaar hain hum
Aur maange to gunahgaar hain hum

Khanjar chale kisi pe tadapte hain hum 'Ameer'
Saare jahan ka dard hamaare jigar mein hai

'Umr to saari kati ishq-e-butaan mein 'Momin'
Aakhri waqt mein kya khak musalmaan honge

Ek mo'ammah hai samajhne kana samjhaane ka
Zindagi kahe ko hai, khwaab hai deewaane ka

Saadiq hoon apne qaul mein 'Ghalib' Khuda gawah
Kehta hoon sach ke jhoot ki aadat nahin mujhe

Woh qayamat thi teri yaad ke gum hosh raha
Saara aalam mujhe aye dost faramosh raha

Mohabbat ho na ho unko mujhe kya main to aashiq hoon
Na hone se hai uske kya, agar hoti to kya hota

Aye sanam jis ne tujhe chaand si soorat di hai
Usi Khuda ne mujh ko bhi mohabbat di hai

Zabaan kehne se ruk jaaye wahi dil ka hai afsaana
Na puchho mai kashon se kyon chalak jaata hai paimaana

Dhoondne se to bashar ko Khuda bhi milta hai
Khuda agar dhoonde to insaan kahaan milta hai

Hazaaron khawahishein aisi ke har khawahish par dum nikle
Bohut nikle mere armaan, lekin phir bhi kum nikle

Runj se khugar hua insaan to mit jaata hai runj
Mushkilein mujh par padi itni ke aasaan ho gayi

Mitti mein jis ke haq ne zar ka asar diya tha
Saare jahan ko jisne ilm-o-hunar diya tha

Woh qatl bhi kar daale to charchaa nahin hota
Hum aah bhi karte to ho jaate badnaam